Alameh Muhammed Takijj-ud-Din el-Hilali el-Maghribi
Burimi: El-Barahin el-Inxhilijeh ala enne Isa dakhil fil-Ubudijeh ue la hadha lehu fil-Uluhijeh, fq. 27-28
Përktheu: Valdet Gashi www.perlatmuslimane.com
Ai më tha: “Ka kontradikta në Kuran. Në suren “El-Maide” thuhet:
وَلْيَحْكُمْ أَهْلُ الإِنجِيلِ بِمَا أَنزَلَ اللّهُ فِيهِ
”E zbritëm që ithtarët e Inxhilit të gjykojnë sipas asaj që Allahu e zbriti në të.” 1
Ndërsa në suren ”Al-Imran” thuhet:
وَمَن يَبْتَغِ غَيْرَ الإِسْلاَمِ دِينًا فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ
”Dhe kushdo që kërkon ndonjë fe tjetër përveç Islamit, ajo kurrë nuk do t’i pranohet atij dhe në botën e pastajme ai do të jetë prej të humburve.” 2
Si mund të veprojmë me këto dy ajete? Mendova pak dhe u përgjigja me një inspirim nga Allahu: “Para se t’i përgjigjem kundërshtimit, ne duhet të dimë mosmarrëveshjen midis profetit ﷺ dhe nasarave, se për çfarë bëhej fjalë.”
Ai tha: “Trego ti.”
Unë i thashë: “Ka të bëj me Isa ibn Merjemin ﷺ. Nasarat nga Naxhrani erdhën te profeti ﷺ dhe e akuzuan atë se kishte fyer njeriun e tyre. Kur ai i pyeti ata se kë kanë për qëllim.
Ata thanë: “Isa bin Merjemin ﷺ.”
Kur ai i pyeti se si e fyu atë, ata thanë:
“Ti thua se ai është një njeri i zakonshëm dhe jo biri i Allahut.”
Kështu që ai debatoi me ta në lidhje me të dhe ua sqaroi të vërtetat atyre, por ata këmbëngulën në të vetën me kokfortësi. Pastaj Allahu shpalli:
إِنَّ مَثَلَ عِيسَى عِندَ اللّهِ كَمَثَلِ آدَمَ خَلَقَهُ مِن تُرَابٍ ثِمَّ قَالَ لَهُ كُن فَيَكُونُالْحَقُّ مِن رَّبِّكَ فَلاَ تَكُن مِّن الْمُمْتَرِينَ
”Vërtet, çështja e Isait (të lindur pa baba) tek Allahu është sikurse çështja e Ademit. Atë e krijoi Ai nga dheu, e pastaj atij i tha: “Bëhu”! ai u bë. E vërtetë është (kjo) nga Zoti yt, e ti kurrsesi mos u bëjë nga ata që dyshojnë!” 3
Kur ata vazhduan të këmbëngulin se ai është djali i Allahut dhe një në trinitet, Allahu e urdhëroi atë që t’i sfidoj ata, që t’i luten Allahut që ta mallkoj gënjeshtarin. Ata u frikësuan nga kjo dhe bën një traktat paqeje me të. Lidhur me këtë debat Allahu (te ala) shpalli:
وَلْيَحْكُمْ أَهْلُ الإِنجِيلِ بِمَا أَنزَلَ اللّهُ فِيهِ
”E zbritëm që ithtarët e Inxhilit të gjykojnë sipas asaj që Allahu e zbriti në të.”
Sepse nasarat nga Naxhrani erdhën tek profeti ﷺ dhe u falën në formën nasrane në xhaminë e tij, me lejën e tij, kjo përmendet në librat e haditheve dhe të historisë.
1 5:47
3 3:85
3 3:59-60