Imam Muhamed bin Muhamed El-Hanbeli El-Menbaxhi
Teslijetu Ehlil-Mesaib
Përktheu: Valdet Gashi
www.perlatmuslimane.com
Nëse dikush pyet pse dëshmori quhet ashtu? Është thënë se dijetarët kanë mendime të ndryshme në lidhje me këtë:
1 – Sepse ai është gjallë (dëshmon), të cilën Allahu -te ala- ka thënë:
“Kurrsesi mos i quani të vdekur ata që janë vrarë në rrugën e Allahut. Jo, janë të gjallë, duke u ushqyer te Zoti i tyre.” Ali Imran, 3:169
2 – Sepse Allahu dhe engjëjt e Tij kanë dëshmuar se ai përfundon në xhenet.
3 – Sepse engjëjt dëshmojnë për të.
4 – Sepse ai ka dëshmuar për të vërtetën derisa vdiq.
5 – Sepse ai dëshmon premtimin e Allahut për një vdekje të lavdishme.
6 – Sepse ai dëshmon teuhidin e Allahut me vepër, ndërsa të tjerët e bëjnë atë me fjalë.
7 – Sepse kur ai bie në tokë, ajo dëshmon për të.
8 – Sepse Allahu ka dëshmuar se atij duhet t’i jepet xheneti.
9 – Për shkak të dëshmisë së tij që është gjaku.
10 – Sepse ai është dëshmuar për besimin e tij dhe përfundimin e mirë.