Imam Muhammed bin Salih bin Uthejmin (v. 1421)
Burimi: El-Hixhab, fq. 19-21
Përktheu: Valdet Gashi
www.perlatmuslimane.com
6 – Aishah (radijAllahu anha) ka thënë:
“Kur kalorësit na kalonin kur ishim bashkë me të dërguarin e Allahut ﷺ në ihram. Kur ata na afroheshin, secila prej nesh tërhiqte rrobën e saj të jashtme (xhilbabin) nga koka e saj mbi fytyrën e saj. Sapo na kalonin, i zbulonim fytyrat përsëri.”1
Transmetuar nga Ahmedi, Ebu Davudi dhe Ibn Maxheh.
Në fjalët e saj “Sapo na kalonin, i zbulonim fytyrat përsëri.” ka dëshmi se është e detyrueshme të mbulohet fytyra. Sepse në ihram është e detyruar të zbulohet fytyra. Nëse nuk do të kishte qenë një pengesë e madhe, do të ishte e detyrueshme të zbulohej fytyra. Sipas shumicës së dijetarëve është e detyrueshme që gruaja të zbulojë fytyrën e saj në ihram. Një detyrë mund të largohet vetëm nga një detyrë tjetër. Nëse nuk do të ishte e detyrueshme të mbulohet fytyra në prani të burrave të huaj, atëherë nuk do të ishte e lejuar të mbuloheshin në ihram. Është konfirmuar te Bukhari, Muslimi dhe të tjerët që një grua nuk duhet të bartë nikab ose doreza gjatë ihramit2. Shejkhul-Islam Ibnu Tejmijeh (rahimehullah) thotë:
“Kjo dëshmon se nikabi dhe dorezat ishin të njohura në mesin e grave përveç në ihram, e cila tregon se fytyrat dhe duart e tyre mbuloheshin.”3
Këto gjashtë prova dëshmojnë se gruaja është e detyruar të fsheh dhe të mbulojë fytyrën e saj para burrave të huaj. Me katër dëshmitë e mëparshme në Kur’an, tani ne jemi deri në dhjetë dëshmi.
1 Ahmedi (24522).
2 Bukhari (1838).
3 Maxhmu-ul-Fataua (15/276).