Alameh Rabi bin Hadi el-Medkhali
Burimi: Menhexh-ul-Enbija fid-Da’uah ila Allah, fq. 57-58
Përktheu: Valdet Gashi
www.perlatmuslimane.com
Allahu e obligoi këtë profet fisnik me një detyrim të veçantë kur e urdhëroi atë të zbatonte këtë parim madhështor.
Allahu (te ala) ka thënë:
إِنَّا أَنزَلْنَا إِلَيْكَ الْكِتَابَ بِالْحَقِّ فَاعْبُدِ اللَّهَ مُخْلِصًا لَّهُ الدِّينَ أَلَا لِلَّهِ الدِّينُ الْخَالِصُ وَالَّذِينَ اتَّخَذُوا مِن دُونِهِ أَوْلِيَاء مَا نَعْبُدُهُمْ إِلَّا لِيُقَرِّبُونَا إِلَى اللَّهِ زُلْفَى إِنَّ اللَّهَ يَحْكُمُ بَيْنَهُمْ فِي مَا هُمْ فِيهِ يَخْتَلِفُونَ
“Vërtet që Ne ta zbritëm librin ty (O Muhamed) me të vërtetën, andaj adhuroje Allahun me sinqeritet dhe përkushtim vetëm për Të. Feja e vërtetë (adhurimi, përkushtimi e nënshtrimi) është vetëm për Allahun. Dhe ata që zgjedhin për mbrojtës dhe ndihmues të tjerë në vend të Tij (thonë): “Ne i adhurojmë ata vetëm që ata të mund të na afrojnë tek Allahu.” Padyshim që Allahu do të gjykojë mes tyre për atë që ata ishin në kundërshtim.”1
قُلْ إِنِّي أُمِرْتُ أَنْ أَعْبُدَ اللَّهَ مُخْلِصًا لَّهُ الدِّينَ وَأُمِرْتُ لِأَنْ أَكُونَ أَوَّلَ الْمُسْلِمِينَ قُلْ إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ قُلِ اللَّهَ أَعْبُدُ مُخْلِصًا لَّهُ دِينِي
“Thuaj (O Muhamed): “Me të vërtetë që jam urdhëruar të adhuroj Allahun (Një e të Vetëm) duke plotësuar detyrat e fesë së Tij me sinqeritet dhe përkushtim vetëm për hir të Tij (dhe jo për t’u dukur, si dhe të mos i shoqëroj Atij askënd në adhurim). Dhe jam urdhëruar që të jem i pari i muslimanëve (i të nënshtruarve ndaj vullnetit të Allahut).” Thuaj (O Muhamed): “Me të vërtetë që kam frikë ndëshkimin e një dite të madhe nëse nuk i bindem Zotit tim.” Thuaj (O Muhamed): “Unë adhuroj vetëm Allahun duke plotësuar detyrat e fesë së Tij me sinqeritet dhe përkushtim vetëm për hir të Tij.”2
قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ لاَ شَرِيكَ لَهُ وَبِذَلِكَ أُمِرْتُ وَأَنَاْ أَوَّلُ الْمُسْلِمِينَ
“Thuaj: “Sigurisht namazi im, kurbani im, jeta ime dhe vdekja ime janë për Allahun, Zotin e aleminit (njerëzve, xhinëve dhe gjithçkaje që ekziston). Ai nuk ka asnjë ortak dhe për këtë unë jam urdhëruar dhe unë jam i pari që i nënshtrohem vullnetit të Tij si musliman.”3
Pos kësaj Allahu e urdhëroi atë që të thërrasë të gjithë njerëzimin në këtë themel.
Allahu (te ala) ka thënë:
يَا أَيُّهَا النَّاسُ اعْبُدُواْ رَبَّكُمُ الَّذِي خَلَقَكُمْ وَالَّذِينَ مِن قَبْلِكُمْ لَعَلَّكُمْ تَتَّقُونَ الَّذِي جَعَلَ لَكُمُ الأَرْضَ فِرَاشاً وَالسَّمَاء بِنَاء وَأَنزَلَ مِنَ السَّمَاء مَاء فَأَخْرَجَ بِهِ مِنَ الثَّمَرَاتِ رِزْقاً لَّكُمْ فَلاَ تَجْعَلُواْ لِلّهِ أَندَاداً وَأَنتُمْ تَعْلَمُونَ
“O njerëz! Adhurojeni Zotin tuaj, i Cili ju krijoi juve edhe ata që ishin para jush ashtu që të jeni të devotshëm (të shpëtuar).”. I Cili e ka bërë tokën vend pushimi për ju dhe qiellin me kupë si mbulesë duke dërguar që andej ujë për të prodhuar fruta si furnizim për ju. Atëherë pra mos i vini ortakë Allahut (në adhurim) kur ju e dini (se vetëm Ai ka të drejtë të adhurohet e askush tjetër).”4
وَإِلَهُكُمْ إِلَهٌ وَاحِدٌ لاَّ إِلَهَ إِلاَّ هُوَ الرَّحْمَنُ الرَّحِيمُ
’’Dhe i Adhuruari juaj është i Adhuruar i Vetëm, nuk ka të adhuruar me të drejtë përveç Tij, i Gjithëmëshirshmi, Mëshirëploti!”5
قُلْ يَا أَيُّهَا النَّاسُ إِنِّي رَسُولُ اللَّهِ إِلَيْكُمْ جَمِيعًا الَّذِي لَهُ مُلْكُ السَّمَاوَاتِ وَالْأَرْضِ ۖ لَا إِلَٰهَ إِلَّا هُوَ يُحْيِي وَيُمِيتُ ۖ فَآمِنُوا بِاللَّهِ وَرَسُولِهِ النَّبِيِّ الْأُمِّيِّ الَّذِي يُؤْمِنُ بِاللَّهِ وَكَلِمَاتِهِ وَاتَّبِعُوهُ لَعَلَّكُمْ تَهْتَدُونَ
“Thuaj (O Muhamed): ”O ju njerëz! Unë jam i dërguari i Allahut te të gjithë ju. Është Ai të Cilit i përket sundimi i qiejve dhe i tokës. Nuk ka të adhuruar me të drejtë përveç Tij. Ai e jep jetën dhe sjell vdekjen. Kështu pra besojeni Allahun dhe të dërguarin e Tij, profetin analfabet që e beson Allahun dhe fjalët e Tij, dhe ndiqeni atë në mënyrë që të jeni të udhëzuar.”6
Ka kaq shumë ajete të tjerë që sqarojnë metodologjinë e të dërguarit të Allahut ﷺ kur ai thirri në teuhid.
1 39:2-3.
2 39:11-14.
3 6:162-163.
4 2:21-22.
5 2:163.
6 7:158.