Imam Muhamed Nasirudin El-Albani (v. 1420)
Sifatu Salat-in-Nebi, fq. 91-92
Përktheu: Valdet Gashi
Profeti ﷺ e kishte zakon të kombinonte sure1 të ngjashme nga surja Kaf deri në fund të Kuranit. Ndodhte të lexonte suren ”Er-Rrahman” dhe ”En-Nexhm” në një rekat2, ”El-Kamer” dhe ”El-Hakah” në një rekat, ”Et-Tur” dhe ”Edh-Dharijat” në një rekat, ”Uakia” dhe ”El-Kalem” në një rekat, ”El-Maarixh” dhe ”Nezi’at” në një rekat, ”El-Mutafifin” dhe ”Abese” në një rekat, ”El-Mudeththir” dhe ”El-Muzemil” në një rekat, ”El-Insan” dhe ”El-Kijameh” në një rekat, ”En-Nebe’” dhe ”El-Murselat” në një rekat, ”Ed-Duhan” dhe ”Tekuir” në një rekat.3
Ndonjëherë ai kombinonte shtatë suret e gjata si ”El-Bekare”, ”En-Nisa ” dhe ”El-Imran” në një rekat gjatë namazit të natës. Ai ﷺ ka thënë:
”Namazi më i mirë është kur qëndron gjatë.”4
Pasi ai kishte lexuar:
”A nuk është Ai (Allahu i Cili e bëri këtë) i Zoti të ngjallë të vdekurit?”5
pastaj ai tha:
سبحانك فَبَلى
”I pa të meta je Ti; po.”
Dhe kur ai kishte lexuar:
“Lavdëro emrin e Zotit tënd, më të Lartit!”6
Pastaj ai tha:
سبحان ربي الأعلى
”I pastër nga çdo e metë është Zoti im, më i Larti.”7
1 Kjo do të thotë sure që kanë kuptime të ngjashme sikurse qortime, urtësi dhe tregime.
2 Kjo dëshmon se profeti ﷺ shpesh nuk i merrte në konsideratë për t’i lexuar suret përgjatë rendit të Kuranit. Kjo dëshmon se veprimi është i lejuar. Kjo do të përmendet në lidhje me namazin e natës, edhe pse është më mirë për të marrë në konsideratë rendin.
3 Bukhari dhe Muslimi.
4 Muslimi dhe Tahaui.
5 75:40.
6 87: 1.
7 Ebu Daudi dhe Bejhaki me një zinxhir të saktë transmetimi. Hadith është i përgjithshëm dhe vlen për leximin e Kuranit gjatë namazit dhe jashtë namazit, në namazin vullnetar dhe namazin e detyrueshëm. Ibn Ebi Shejbeh (2/132/2) transmetoi se Ebu Musa El-Esh’ari dhe El-Mugire -radijAllahu anhuma- e kishin zakon ta thoshin atë në namazin e detyrueshëm. Në mënyrë të ngjashme është transmetuar në mënyrë të pakufizuar nga Umeri dhe Aliu.