Shejkh Sulejman Er-Ruhejli
Hak-ku Ez-Zeuxhejni
Përktheu: Valdet Gashi
www.perlatmuslimane.com
Prej të drejtave të burrit mbi gruan është që ajo ta ruaj pasurin e tij dhe të mos shpenzojnë asgjë pa lejen e tij. Ne dëgjuam se si profeti ﷺ ka thënë në lidhje me gruan më të mirë:
”Ajo kujdeset për të dhe për pasurinë tij.”
Profeti ﷺ gjithashtu ka thënë:
”Gruas nuk i lejohet të dhurojë asgjë nga pasuria e burrit të saj pa lejen e tij.”1
Transmeton et-Tajalisi (1223) dhe përmes zinxhirit të tij të transmetimit Bejhaki (4/8108), Ahmedi (5/267), Ebu Daudi (3565), Tirmidhi (670) dhe Ibn Maxheh (2295) me formulimin:
”Gruas nuk i lejohet të dhurojë asgjë nga shtëpia e burrit të saj pa lejen e tij.”
Zinxhiri i transmetimit është i mirë sipas Tirmidhiut dhe imam Albanit në ”Sahih-ut-Targhib (943)”.
Nëse i jep leje asaj që të shpenzoj, ajo shpenzon me masë, dhe të dytë shpërblehen.
Profeti ﷺ ka thënë:
“Nëse gruaja shpenzon nga ushqimi i shtëpisë së saj me masë, do të ketë shpërblimin e dhurimit, ndërsa burri do të këtë shpërblimin e fitimit.”
Transmeton Bukhari (2065) dhe Muslimi (1024), formulimi është i Bukharit.
Profeti ﷺ ka thënë:
“Nëse gruaja jep sadaka nga pasuria e burrit të saj, të dytë shpërblehen, asnjërit nuk i mangësohet asgjë për shkak të shpërblimit të tjetrit.”
Transmeton Ahmedi (6/99), Nesai (2539) dhe Tirmidhi (671) i cili e klasifikoi atë si të mirë.
Dijetarët thonë se gruas i lejohet të shpenzojë nga shtëpia e burrit të saj ose nga pasuria e burrit të saj në tre raste:
1 – Kur burri i jep gruas leje të veçantë për të dhuruar diçka, në këtë rast të dytë kanë shpërblimin e plotë pa iu reduktuar asnjërit.
2 – Kur burri i jep gruas leje të përgjithshme që të dhurojë nga pasuria e tij, në këtë rast ata ndajnë shpërblimin.
3 – Kur burri nuk i jep leje gruas që të dhurojë nga pasuria e tij, nëse ajo dhuron diçka nga pasuria e tij, ai shpërblehet, ndërsa ajo mëkaton.
1 Hadithi i plotë është:
“Gruas nuk i lejohet të dhurojë asgjë nga pasuria e burrit të saj pa lejen e tij.”
Ata e pyetën: “O i dërguari i Allahut, as ushqim?”
Ai ﷺ tha: “Ushqimi është një nga pasuritë tona më të mira.”