Imam Muhamed bin Muhamed El-Hanbeli El-Menbaxhi
Teslijetu Ehlil-Mesaib
Përktheu: Valdet Gashi
www.perlatmuslimane.com
Umer bin Khatabi -radijAllahu anhu- ka transmetuar se profeti ﷺ ka thënë:
I vdekuri në varr ndëshkohet për shkak të vajtimit që bëhet për të.”
Transmeton Bukhari dhe Muslimi.
Në një tjetër formulim thuhet:
“I vdekuri ndëshkohet për shkak të vajtimit që bëhet për të.”
Transmeton Bukhari dhe Muslimi.
Transmeton Mugire bin Shu’be -radijAllahu anhu- se profeti ﷺ i dërgoi atij një lajmëtar me mesazhin:
“Ai për të cilin vajtohet, ndëshkohet për vajtimin që bëhet për të.”
Transmeton Bukhari dhe Muslimi.
Usejd bin Ebi Usejd ka transmetuar nga Musa bin Ebi Musa dhe ky nga babai i tij -radijAllahu anhu- se profeti ﷺ ka thënë:
“I vdekuri ndëshkohet për shkak të vajtimit që bëhet nga i gjalli.
Nëse i gjalli thotë: ”O ti që më forcove, ti që më furnizove!”
Kapet i vdekuri dhe i thuhet atij: “A me të vërtetë e forcove atë? A me të vërtetë i ndihmove atij? A me të vërtetë e furnizove atë?”
Atëherë unë thashë: “I pa të meta është Allahu!”
Allahu -te ala- thotë:
“Asnjë shpirt i ngarkuar nuk do të mbartë barrën e tjetrit.” Fatir, 35:18
Usejdi tha: “Unë po të transmetoj nëpërmjet Ebu Musa (El-Esh’arij) dhe ai nga i dërguari i Allahut ﷺ e ti po thua këtë?! A po gënjejmë ne? Betohem në Allahun se nuk kam gënjyer për Ebu Musanë dhe as Ebu Musa nuk ka gënjyer për të dërguarin e Allahut ﷺ.” Transmeton Ahmedi.
Transmeton Mugire bin Shu’be -radijAllahu anhu- se ka dëgjuar të dërguarin e Allahut ﷺ duke thënë:
“Me të vërtetë gënjeshtra ndaj meje nuk është sikurse gënjeshtra ndaj dikujt tjetër. Kush gënjen ndaj meje qëllimisht le ta përgatisë ulësen e tij prej zjarri!”
Transmeton Bukhari dhe Muslimi.
Kam dëgjuar të dërguarin e Allahut ﷺ duke thënë:
“Ai për të cilin vajtohet, ndëshkohet për shkak të vajtimit që bëhet për të.”
Transmeton Bukhari dhe Muslimi, formulimi është i Bukharit.
Transmetohet nga Nu’man bin Beshir-radijAllahu anhu- i cili ka thënë:
“Një herë prej herësh, Abdullah bin Rauahas aksidentalisht i humbi vetëdija.
Motra e tij ‘Amra filloi të qaj dhe thoshte: “O Zotëria im,” dhe gjëra të tjera.
Pasi Abdullahu u kthjell, i tha motrës së tij: “Çdo gjë të cilën e the (kur isha pa vetëdije), veçse pyetesha: “Vërtetë është kështu siç po thuhet?!”
Kur ai vdiq, ‘Amra nuk qau më për të.” Transmeton Bukhari.
Transmeton Tirmidhiu në librin e tij “El-Xhami” nëpërmjet Ebu Musa -radijAllahu anhu- se i dërguari i Allahut ﷺ ka thënë:
“Nuk ka njeri që vdes dhe të cilit i qëndrojnë sipër tij duke qarë dhe duke thënë: “Sa njeri i madh ishte, o zotëria im, dhe fjalë tjera të mira për të, përveç se i caktohen dy engjëj që ta godasin (duke i thënë): ”Vërtet ishe kështu?”
Transmeton Tirmidhi (1003) i cili ka thënë se hadithi është i mirë dhe garib. Hadithi është i mirë sipas Albanit në Sahih Sunen Et-Tirmidhi (1003).