Imam Salih bin Feuzan el-Feuzan
Burimi: et-Ta’likat el-Mukhtasarah alal-Akideh et-Tahauijjeh, fq. 65-66
Përktheu: Valdet Gashi
www.perlatmuslimane.com
Pra gjërat e poshtme janë të detyrueshme që të beson në lidhje me të ﷺ:
1 – Ai është rob dhe i dërguar i Allahut.
2 – Ai është profeti i fundit.
3 – Mesazhi i tij është i përgjithshëm dhe i adresohet si njerëzve ashtu edhe xhinëve. Se ai është dërguar te të gjithë njerëzit tashmë është dëshmuar. Dëshmia se ai gjithashtu i është dërguar xhinëve janë fjalët e Allahut (te ala):
وَإِذْ صَرَفْنَا إِلَيْكَ نَفَرًا مِّنَ الْجِنِّ يَسْتَمِعُونَ الْقُرْآنَ فَلَمَّا حَضَرُوهُ قَالُوا أَنصِتُوا فَلَمَّا قُضِيَ وَلَّوْا إِلَى قَوْمِهِم مُّنذِرِينَ قَالُوا يَا قَوْمَنَا إِنَّا سَمِعْنَا كِتَابًا أُنزِلَ مِن بَعْدِ مُوسَى مُصَدِّقًا لِّمَا بَيْنَ يَدَيْهِ يَهْدِي إِلَى الْحَقِّ وَإِلَى طَرِيقٍ مُّسْتَقِيمٍ يَا قَوْمَنَا أَجِيبُوا دَاعِيَ اللَّهِ وَآمِنُوا بِهِ يَغْفِرْ لَكُم مِّن ذُنُوبِكُمْ وَيُجِرْكُم مِّنْ عَذَابٍ أَلِيمٍ
Dhe (kujto) kur Ne dërguam drejt teje (O Muhamed) një grup të vogël xhinësh të dëgjojnë Kuranin dhe sapo u gjendën tek ai, thanë: “Dëgjoni në heshtje!” Dhe kur mbaroi, ata u kthyen te shoqëria e tyre si këshillues. Ata thanë: “O populli ynë! Me të vërtetë që kemi dëgjuar një Libër (Kuranin) të zbritur pas Musait, duke vërtetuar çfarë ka ardhur para tij: ai të udhëzon tek e vërteta dhe tek udha e drejtë. O populli ynë! Përgjigjuni Thirrësit të Allahut dhe besojeni atë. Ai (Allahu) do t’ua falë juve gjynahet tuaja dhe do t’ju shpëtojë nga ndëshkimi i dhimbshëm.” 1
Do të thotë Muhamedi ﷺ. Allahu (te ala) gjithashtu ka thënë:
قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ فَقَالُوا إِنَّا سَمِعْنَا قُرْآنًا عَجَبًا يَهْدِي إِلَى الرُّشْدِ فَآمَنَّا بِهِ وَلَن نُّشْرِكَ بِرَبِّنَا أَحَدًا
”Thuaj (O Muhamed): “Më është shpallur mua se një grup i vogël xhinësh dëgjuan (Kuranin) dhe thanë: “Me të vërtetë që kemi dëgjuar lexim (të Kuranit) të mrekullueshëm! Ai udhëzon në rrugën e drejtë dhe ne kemi besuar në të dhe ne kurrë nuk do t’i vëmë ortak në adhurim Zotit tonë (Allahut).” 2
Kjo dëshmon se shpallja vlen edhe për xhinët. Profeti ﷺ iu dërgua të gjithëve në tokë; njerëzve dhe xhinëve. Ai që i beson atij hynë në xhenet dhe ai që nuk i beson atij hynë në zjarr pavarësisht nëse ai u përket njerëzve ose xhinëve.
Autori (rahimehullah) tha:
“… dritë dhe ndriçim …”
Ato janë sinonime. Profeti ﷺ erdhi me të dyja ato.
Allahu (te ala) ka thënë:
يَا أَيُّهَا النَّبِيُّ إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا وَدَاعِيًا إِلَى اللَّهِ بِإِذْنِهِ وَسِرَاجًا مُّنِيرًا
“O ti profet, Me të vërtetë që Ne të dërguam ty dëshmues, lajmëtar përgëzues e qortues, dhe me urdhrin e Allahut, thirrës për në rrugën e Tij dhe pishtar ndriçues.” 3
1 46:29-31
2 72:1-2
3 33:45-46