Imam Muhamed bin Muhamed El-Hanbeli El-Menbaxhi
Teslijetu Ehlil-Mesaib
Përktheu: Valdet Gashi
www.perlatmuslimane.com
Aishah -radijAllahu anha- transmeton se i dërguari i Allahut ﷺ ka thënë:
“”Mos i fyeni të vdekurit. Vërtet, ata kanë arritur rezultatin e asaj që kanë vepruar.”
Transmeton Ahmedi, Nesai dhe Bukhari (1393).
Ibn Abbasi -radijAllahu anhuma- transmeton se i dërguari i Allahut ﷺ ka thënë:
“Mos i fyeni të vdekurit tanë në mënyrë që të mos shqetësoni të gjallët tanë.”
Transmeton Ahmedi dhe Nesai (4775).
Shërbëtori i të dërguarit të Allahut ﷺ Ebu Rafi Eslem tha se i dërguari i Allahut ﷺ ka thënë:
“Ai që e pastron një kufomë dhe e fsheh këtë, Allahu e fal atë 40 herë.”
Transmeton Hakimi, dhe ai tha:
“Haidthi është autentik sipas kushteve të Muslimit.” As Bukhari dhe as Muslimi nuk e kanë transmetuar këtë hadith.
Ibn-us-Simak ka thënë: “Shpata jote e vetme është ajo që ke në gojën tënde. Me të ha çdo gjë që është e hidhur. Ti ke shqetësuar të tjerët në të gjitha fazat dhe tani po iu vërsulesh atyre që janë varrosur. Fytyrat e të varrosurve u janë nënshtruar sprovave e ti qëndron këtu dhe i nxjerrë nga varri. I vdekuri nxjerrët nga varri kur kritikohet. Ti nuk duhet të flasësh keq për vëllain tënd për shkak të tre arsyeve.
E para është se ti ndoshta e kritikon atë për diçka që ti vetë e posedon.
E dyta se ti ndoshta e kritikon atë për diçka nga e cila Allahu të ka shpëtuar ty. A kështu e falënderon Atë që të ka shpëtuar ty? A nuk ke dëgjuar se është thënë se ti duhet të falësh vëllain tënd dhe ta bësh hamd Allahun që të ka shpëtuar?”