Imam Muhamed Nasirudin El-Albani (v. 1420)
Sifatu Salat-in-Nebi, fq. 153-154
Përktheu: Valdet Gashi
Pastaj ai ﷺ tha:
الله أكبر
“Allahu është më i Madhi.”
dhe u ngrit për në rekatin e tretë1. Ai e urdhëroi njeriun i cili u fal në mënyrë të gabuar me të njëjtën gjë dhe i tha:
“Pastaj, ti duhet të veprosh të njëjtën gjë në çdo rekat dhe në çdo sexhde.”
Kur profeti ﷺ ngrihej prej uljes thoshte:
الله أكبر
“Allahu është më i Madhi.”
dhe ngrihej lartë.2
Ndonjëherë ai ﷺ i ngriste duart3 gjatë këtij tekbiri. Kur ai ngrihej për në rekatin e katërt ai thoshte:
الله أكبر
”Allahu është më i Madhi.”4
Ai e urdhëroi njeriun i cili u fal në mënyrë të gabuar me të njëjtën gjë. Ndonjëherë ai ﷺ i ngriste duart5 gjatë këtij tekbiri.
Pastaj ai ulej duke pasur shpinën e tij drejtë dhe vendoste peshën e tij në këmbën e tij të majtë në mënyrë që të gjitha eshtrat binin në vendin e duhur. Pastaj ai ﷺ mbështetej në tokë dhe ngritej lartë6.
Ai ﷺ i bënte grusht duart e tij kur mbështetej mbi to për tu ngritur lartë7.
Në çdo rekat ai ﷺ e lexonte suren “El-Fatiha”. Ai e urdhëroi njeriun i cili u fal në mënyrë të gabuar me të njëjtën gjë. Në dy rekatet e fundit të namazit të drekës mund të ndodhte që ai ﷺ të lexonte disa ajete Kuranore shtesë. Kjo tashmë është theksuar në kapitullin lidhur me leximin në namazin e drekës.
1 Bukhari dhe Muslimi.
2 Ebu Ja’la në ”El-Musned (2/284)”. Zinxhiri i hadithit është i mirë dhe përmendet në ”Es-Sahihah (604)”.
3 Bukhari dhe Ebu Daudi.
4 Bukhari dhe Ebu Daudi.
5 Ebu Auaneh dhe Nesai me zinxhir autentik.
6 Bukhari dhe Ebu Daudi.
7 El-Harbi në “Gharib El-Hadith”. Domethënie e ngjashme është transmetuar nga Bukhari dhe Ebu Daudi. Lidhur me hadithin:
“Ai ﷺ e ndaloi njeriun që të mbështetej në dorën e tij ndërsa ngrihej në këmbë gjatë namazit.”
kështu që ky hadith është shumë i dobët dhe jo autentik. E kam qartësuar këtë në “Ed-Da’ifah (967)”.