Imam Muhamed bin Salih bin Uthejmin (v. 1421)
Sherh Sahih El-Bukhari (4/501)
Përktheu: Valdet Gashi
www.perlatmuslimane.com
Imam Bukhari -rahimahullah- ka thënë:
49 – Kapitull për atë që ngrihet për kortezhin e një xhenase çifuti
Xhabir bin Abdilah -radijAllahu anhuma- rrëfeu:
“Përpara nesh kaloi një xhenaze. I dërguari i Allahut ﷺ u ngrit në këmbë, prandaj u ngritëm edhe ne.
I thamë: “O i dërguari i Allahut, kjo qe xhenazja e një çifuti.”
Ai ﷺ tha: “Sapo të shihni një xhenaze, ngrihuni në këmbë.”
Transmeton Bukhari (1311) dhe Muslimi (960).
Duket se profeti ﷺ u ngrit në këmbë për kortezhin e çifutit, por ai nuk e bëri këtë as nga respekti dhe as nga madhërimi; ai e bëri këtë nga frika për vdekjen, siç përmendet në disa formulime ku ai ﷺ tha:
“Vërtet, vdekja është tmerr.”
Transmeton Muslimi (960).
Pra ngritja në këmbë nuk ka për qëllim respektin për kortezhin e xhenazes por frikën dhe tronditjen që ndjen njeriu kur sheh një kortezh xhenazeje.